Patay ang 35 anyos nga lalaki matapos nga mahulog sa kalog ang ginasakyan nga motorsiklo sa Proper Barangay Dulao, Bago City, Negros Occidental kahapon sang udto, Marso 2, 2025.
Sa interview sang Bombo Radyo Bacolod kay Police Staff Sergeant Ronal Javier, traffic investigator sang Bago City Police Station, nagluntad ang aksidente pasado alas-12:00 ang takna sang udto kahapon kag ang biktima ang ginkilala kay Juan Lansangan Jr., 35 anyos, kag residente sang Purok Paho sa nasambit nga barangay.
Suno kay Javier, ang biktima ang halin sa ila balay sa Purok Paho kag padulong sa Purok Proper agud nga magkumpanyar sa namatyan kaupod ang iya asawa.
Suno kay Javier, apang pag-abot sa kaladtuan nagtawag ang migo sini nga magparescue bangud naguba ang ginsakyan sini nga motorsiklo.
Suno sa imbestigador antes natabo ang aksidente, ginpapanaog sini ang asawa nga nagaangkas kag sang nakapanaog na ang angkas sini, ginpahayag nga madasig ang pagpadalagan sang motorsiklo agud nga marescue sini ang iya nga abyan.
Sang pag-abot sini sa Proper malapit sa highschool sang Barangay naglapaw ini sa dalan kag nahulog sa kalog.
Ginhingagaw dala sa Bago City Hospital apang gindeklarar nga dead on arrival.
Nagpanugyan si Javier sa mga publiko nga paminsaron ang safety magbiyahe kag ugalion nga magsuksok sang helmet sa tion nga magsakay sa motor.
