Anthony Edwards sang Minnesota Timberwolves, ginmultahan sang 35,000 dollars bangod sa ginpakita nga indi maayo nga pamatasan sa hampang

Gin-anunsiyar sang Minnesota Timberwolves nga ginmultahan si Anthony Edwards sang $35,000 bangud sa iya batasan kasunod sang pag-eject sa iya matapos nakabaton sang technical fouls batok sa Los Angeles Lakers sang Huwebes sang gab-i.

Nakabaton ang 23 anyos nga three-time All-Star guard sang iya ikaduha nga technical foul kag ginpagwa sa nabilin nga 5:21 sa third quarter sa hampang kun sa diin nalutos ang Timberwolves.

Nagbiya ini sa court sa indi sports nga pamaagi kag ginhaboy pa ang bola sa Los Angeles crowd.

Nagresulta ang technical foul sa NBA-mandated suspension para kay Edwards nga wala nakahampang batok sa Utah Jazz nga wala sang bayad bangud sa ika-16 nga technical foul subomg nga season.

Nalutos ang Minnesota sa Jazz, 117-116.