Ginpasidunggan sang Police Regional Office 6 ang mga kapulisan sa ciudad sang Bacolod sa pagrekober sang masobra P1 million nga balor sang illegal nga druga gikan sa 22 anyos nga lalaki sa sa Prk BM, Brgy Taculing, Bacolod City, sang Marso 1, alas-10:00 sang gab- 1.
Ang suspetsado ang ginkilala nga si Aldan Jeff Parandas, Alias “Toto”, wala sang trabaho kag residente sang nasambit nga lugar.
Nakuha sa paghinakop sini ang isa ka heat-sealed transparent plastic sachet sang suspected shabu bilang buybust item; apat heat-sealed transparent plastic sachet sang suspected shabu kag duha ka knot-tied transparent plastic sang suspected shabu kag P1000 bilang buybust money.
Ang nakumpiskar nga druga ang nagabug-at sang kapin sa 157 grams nga may Standard Drug Price nga P1,067,600.00.
Sa interview sang Bombo Radyo Bacolod kay Bacolod City Drug Enforcement Unit Head Police Lt. Col. Antonio Benitez, pila ka semana nga ginmonitor si Parandas tubtob nga namonitor nga may nagsulod nga supply sang illegal nga druga sa ciudad.
Suno diri, ang 22 anyos nga suspek ang isa sa ginasaligan nga ginadagdagan sang illegal nga druga.
Pahayag ni Benitez, isa ka dungog sa ila nga ginpasidunggan ni PRO6 director Police Brig. Gen. Jack Wanky ang ila trabaho sa pagpalapnag sang anti-illegal drug campaign.
