Miss Universe Philippines 2023 Michelle Dee, natalana nga magrelease sang kanta nga magaserbe anthem of empowerment sa National Women’s Month

Natalana nga mag-release sang iya bag-o nga single nga “Reyna” si Miss Universe Philippines 2023 Michelle Dee sa Biyernes, Marso 7.

Ang nasambit nga kanta ang makabig nga anthem of empowerment kag i-release kadungan sang selebrasyon sang National Women’s Month.

Sa iya social media, ginpakigbahin sang Filipina beauty queen ang concept photos para sa iya palaabuton nga debut single.

Madumduman nga sang nagligad nga tuig, nag-release man si Michelle sang iya labing-una nga cover nga “Try”.