Ang spaghetti manamit kag indi gid madula sa mga birthdays kag iban pa nga okasyon apang nangin dako nga palaligban sa isa ka international reality TV hosts nga si Richard Quest kun paano nga nagagenerate sang kuryente ang spaghetti wires nga nakita sini nga nagakabit sa mga poste sa Metro Manila.
Sa Instagram, nagpost si Richard sang video samtang yara ini sa dalanon sang Mandaluyong City.
Suno sa International reporter, sa tagsa nga makakita ini sang nagasurumbali nga kable nga nagakabit sa poste, nagapanumdom ini nga kun paano nagagana apang sang nakita sini nga nagasiga ang suga kag nagasige man ang internet connection, nasabat ang pamangkot sini.
Samtang ginpakita ang mga nagasambod nga sa kable, ginlaragway ini ni Richard nga “like one big bowl of spaghetti.”
Nakapamangkot man sang foreigner kung paano makita ang insakto nga linya sang kable.
Nagabilib man ini bangud nagagana ang linya sang kuryente.
Nagbisita sa Pilipinas si Richard, agud nga magshoot sang documentary sa Masungi Georeserve sa Rizal.
