Masobra dos mil nga illegal campaign posters ang napangsikop sang Commission on Election – Bacolod City sa tatlo ka adlaw nga Operation Baklas.
Ini ang ginpatigayon sa Downtown area padulong sa Bata Flyover, kasubong man sa Brgy Singcang Old Airport tubtob sa Lacson Street.
Bwas, ikaapat nga adlaw, sila ang magapatigayon sang Operation Baklas sa Old Airport padulong sa Brgy Punta Taytay.
Sa interview sang Bombo Radyo Bacolod kay Bacolod City Election Officer Atty Revo Sorbito, sulit-sulit na ang ila nga pahanumdom pahanumdom sa mga kandidato kag sa ila supporters.
Apang madamo gid gihapon sang wala nagapati ukon wala nagasunod sa pagsulundan.
Suno diri, may patigayunon nga Peace Covenant Signing sa Bacolod City sa Marso 18.
Plano sini nga ipahanumdom sa mga kandidato nga indi magaduhaduha ang Bacolod Comelec Office sa pagfile sang kaso sa mga magapadayun sa pagpalapas sa campaign rules partikular na sa bahin sang mga local candidates.
Paathag ni Sorbito nga napadala na nila sa Comelec National Office ang listahan sang mga Senatorial kag Partylist Representatives nga naglapas sa pagsulundan.
Kag nakadepende na sa mga ini kun sin-o ang pasakaan sang disqualifications.
