Nagtaliwan na ang amay ni Angel Locsin nga si Angel Colmenares sang Miyerkules sa edad nga 98 anyos.
Ginkumpirmar kahapon sang pamilya Colmenares ang pagtaliwan sini.
Gin-anunsyar man ini sang talent manager kag concert producer nga si Mario Colmenares, hinablos ni Angel Colmenares paagi sa isa ka artcard nga ginshare sini sa social media.
Nabutang man sa artcard ang petsa kun san-o ini ginbata sang Pebrero 17, 1927 kag napatay sang Marso 5, 2025.
Nagpangayo naman sang respeto ang pamilya para sa ila privacy kag nagpasalamat sa tanan nga nakig-unong.
Wala naman ginpahibalo pa ang rason sa pagkapatay sang amay ni Angel Locsin.
Mahibaluan nga si Angel Colmenares ang swimmer sadto nga kabahin sang Philippine team nga nadaog sang bronze medal sa 4×200-meter freestyle relay sa 1954 Asian Games nga ginhiwat sa Pilipinas.
