Ang pigaw nga design ang nagakakit-an nga rason ni President Ferdinand “Bongbong” Marcos Jr. kun ngaa nagguba ang bahin sang Cabagan-Sta. Maria Bridge sa Isabela.
Suno kay Marcos, ang ending sini, ang puno kag punta amu ang design flaw ukon sala ang design.
Suno sa iya, wala man sang problema sa construction kag ginsundan man ang plano by the book apang sala ang specification.
Suno sa Presidente, ini ang isa ka design problema.
Kapin P1.8 billion ang balor sang proyekto apang napanubo ini kag wala naglab-ot sa isa ka billion pesos.
Suno diri, supposedly, P1.8 billion ang balor sini apang ginbuhinan sang P1 billion agud makabarato.
Apang ang desinyo ang tuman ka pigaw bangud isa ini kuntani ka suspension bridge apang wala sang may nagasuporta nga kable.
Dugang pa sang Presidente, nabutang lamang sa wala ang balor nga nabuhin sa pagpahimo sang taytay bangud kinahanglan nga liwat nga maggasto ang gobyerno agud ini ang makay-o.
