Gin-ban sang Department of Agriculture (DA) ang importasyon sang domestic kag wild birds kasubong man ang poultry products halin sa tatlo ka American states bangod sa outbreak sang Highly pathogenic avian influenza A(H5N1) virus.
Santo sa Memorandum Order 14 nga gin-issue ni Agriculture Secretary Francisco Tiu Laurel Jr., ipatuman ang temporaryo nga import ban sa Indiana, New York, kag Pennsylvania.
Ang trade restrictions naga-apply sa tanan nga domestic kag wild birds, lakip na ang poultry meat, eggs, day-old chicks, semen, kag iban pa nga related products halin sa nasambit nga pungsod.
Apang, suno sa DA, ang shipment nga nahimo na natransit, naload kag naaccept antes pa man ang banning ang gin-allow pa nga pasudlon basta ang products ang gin-ihaw ukon ginproduce kapin sa 14 ka adlaw antes ang outbreak sa kada estado.
