Naglibot ang undersecretary sang Department of Health sa mga hospital sa ciudad sang Bacolod kag probinsya sang Negros Occidental agud nga lantawon ang sitwasyon sang dengue fastlanes.
Ini man ang kasunod sang mando sang DOH Secretary.
Madumduman nga ang dengue fastlanes activation ang ginmando na sang tinalikdan ni DOH Undersecretary Dr. Mary Ann Maestral.
Suno kay Maestral ginlibot sini ang mga ospital sa probinsya kag ciudad sang Bacolod kag nakita man sini nga nakahanda man ini.
Suno diri ang isa sa ginbisitahan ang Corazon Locsin Montelibano Memorial Regional Hospital Emergency Department kasubong man ang Out Patient Department agud makita kun sa diin ibutang ang pasyente ingkaso nga magdamo gid.
Suno kay Maestral, sa karun medyo nubo ang kaso sang dengue sa sulod sang hospital.
Gintsekyar man sini ang Bacolod City Health Office kun sa diin nakita man nga preparado kag ginlabayan man nila ang isa sa APEX Hospital nga amo ang Riverside Medical Center kag nakita nga nakapreparar man ang dengue fast lanes.
Ginkalipay man sini ang pagpatuman sang mga hospital sa ginmando sini nga magpreparar para sa ingkaso nga pagdamo sang kaso sang dengue.
Nagpanugyan ini nga indi malipat magpanglimpyo agud nga wala sang matiniran ang lamok kag indi na magdamo pa ang kaso sang dengue.
