Naga-operate nga sensor driven traffic lights sa ciudad sang Bacolod, padayon nga ginamonitor

Padayon pa ang monitoring sa mga naga-operate na nga sensor driven traffic lights sa ciudad sang Bacolod.

Sa interview sang Bombo Radyo Bacolod kay BTAO deputy head Jose Antonio “Jojo” Robello, may yara sang additional nga sensor driven traffic lights nga ginbutang sa Bangga Escala padulong sa Fortune town kag Granada intersection kag San Juan St.

Iban sa mga motorista nagareklamo bangod nagagutok ang dalan kag madugay ang ila pagbyhe kun madugay ang counting sa ‘stop’ samtang ang ‘go’ naman ang madasig lang.

Apisar nga operational na, ginabantayan sa gihapon ang traffic enforcer agud madetermine ang adjustment.

Sa karun may yara pa sang ginahulat nga dugang nga sensor driven traffic lights bangod may yara pa sang ginatapos sa wirings.