Ginsugat sang mga kapulisan sa Top 2 Most Wanted Person sa Western Visayas subong pasado alas 6:00 ang takna sa gab-i sa Silay City Airport, Silay City, Negros Occidental.
Sa impormasyon nga nakuha sang Bombo News Team. ginkilala kay Alyas Paulo, 20 anyos .
Siya ang gindagdagan sang warrant of arrest sa kaso nga rape.
Ang warrant of arrest ang gin-issue ni Hon. Karen Joy Gaston, Presiding Judge sang RTC Branch 43, Bacolod City sang Oktubre 14, 2024.
Samtang ang nasambit nga rape case ang may kaangtanan sa kaso ni Nicus Balagosa ang Grade 11 student nga ginpatay sa atubang sang iya mga ginikanan sang Hunyo 2,2024 sa Granada Heights, Barangay Granada, Bacolod City.
Madumduman nga ang 16 anyos nga bata nga babayi sang suspect nga si Carlito ‘Dondon’ Tongho Jr. ang gina-alegar ginhimuslan sang 17 kag 19 anyos nga abyan ni Nicus.
Apang matapos makastiguhan ang duha ka suspetsado sa gina-alegar nga paghimulos kag wala na nakapakita, si Nicus ang ginsulong ni Tongho upod sa iya utod kag duha ka iban pa kun sa diin ginsulod sini sa kwarto ang biktima kag ginluthang sa atubang sang iya mga ginikanan.
