Ginpahayag ni US President Donald Trump nga magabakal ini sang brand new nga Tesla agud magpabutyag sang suporta para sa iya top campaign donor kag advisor nga si Tesla CEO Elon Musk.
Mensahe ni Trump sa mga Republicans, Conservatives kag tanan nga great Americans nga ginahimo ni Elon Musk ang tanan agud mabuligan ang nasyon kag nagahimo ini sang maayo nga tikang.
Apang ang iya gintawag nga Radical Left Lunatics nga luyag nga iboycott illegaly ang Tesla, isa sa mga dalagko nga automakers sa bilog nga kalibutan agud atakehon kag halitan si Elon kag ang tanan sini nga ginapanindugan.
Gani, suno kay Trump, magabakal ini sang isa ka brand new Tesla subong nga aga agud ipakita ang kumpiyansa kag suporta kay Elon Musk, nga iya gintawag nga matuod-tuod kag maayo nga American.
