Pagpapas sang illegal trade activities sa agrikultura, ginpasanyog pa sang Marcos Administration

Ginapabaskog sang Marcos administration ang pagpapas sang illegal trade activities sa agrikultura kadungan sang ginpatigayon nga inaugural meeting sang Anti-Agricultural Economic Sabotage (AAES) Council.

Ang AAES ang gintukod sa idalom sang Republic Act 12022 ukon Anti-Agricultural Economic Sabotage Act nga ginpirmahan bilang layi sang Oktubre sang nagligad nga tuig.

Ini ang nagahatag sang mas mabug-at nga penalidad kag mas malawig nga pagkapriso sa mga involved sa agricultural smuggling, hoarding, profiteering, kag cartel activities.

Sa amo nga pagsinapol, na-formalize ang creation sang key teams nga amo ang maga-execute sang provisions sang bag-o nga layi.