M-16 rifle nga nakita sa salakyan sang napatay nga maglive in sa Barangay Sum-AG, Bacolod City, indi matumod ang tag-iya

Ginpahayag naman ni Bacolod City Police Office Director Police Col. Joeresty Coronica, ang cal. 9mm pistol ang lisensyado nga armas ni Bimboy, samtang duha lamang ka serial number ang maathagan sa M16 rifle gani indi pa matumod kun kay sin-o narehistro kag kun sin-o ang matuod nga nagapanag-iya.

Samtang wala man nahibaluan kun diin sini nakuha ang grenade launcher.

Suno kay Coronica, santo sa pahayag ni Police Captain Andy Ofalia, station commander sang Bacolod Police Station 9, ginraid sadto ang balay ni Bimboy sa Bago City kag nakakuha sang madamo nga armas.

Na-involved naman ini sa shooting incident sa nasambitan nga ciudad kag ang ulihi amo ang shooting incident sa Bacolod Police Station 6 kun sa diin isa ini sa mga natiruhan.