Ginpahayag sang Filipino airline crew nga nagatrabaho sa airport sa Amsterdam City, Netherlands nga bisan tumalagsahon lang ini magpauli sa Pilipinas, nakita sini mismo ang kinalain sang administrasyon ni former president Rodrigo Duterte.
Sa interview sang Bombo Radyo kay Michael King, Bombo International News Correspondent derekta sa Netherlands, humalin sa pag-abot sang anay presidente sa The Hague, nag-upod ini sa pila ka mga Pilipino nga nagtinir sa gwa sang International Criminal Court (ICC) detention centre para magpabutyag sang suporta kay Duterte.
Suno diri, nagpauli lang ini para magpahuway apang bangod wala ini sang trabaho, nagbalik ini liwat sa gwa sang detention centre.
Pahayag ni King, sadto sa administrasyon ni Duterte, basta sila nga mga OFW magpauli sa Pilipinas, nagakabtyagan gid nila ang safety sa pungsod.
Dugang pa sini, ang iya pagsuporta ang bangod sa naeksperyensya sini nga kaayohan sang Duterte administration.
