Gintsekyar ni National Economic Development Authority (NEDA) Secretary Arsenio Balisacan ang lugar sa banwa sang Pulupandan nga angotan sang Guimaras-Negros Bridge.
Sa pahayag ni Negros Occidental Governor Eugenio Jose “Bong” Lacson, wala sini ginalauman nga bisitahan ni Balisacan ang area.
Bangod ang NEDA ang makabig nga heart sang tanan nga departamento sang gobyerno sa kada rehiyon, luyag sini nga matsekyar ang site kun sa diin iplastar ang dulungkaan sang Guimaras-Negros Bridge sa banwa sang Pulupandan.
Aminado si Lacson nga may delays sa proyekto kag sa karun nagahimo pa sang detailed engineering.
Pahayag sang gobernador nga unahon ang pagtukod sang Panay-Guimaras Bridge kag makaligad sang anom ka bulan, suguran naman ang Guimaras-Negros Bridge.
Pasalig ni Lacson nga ang Panay-Guimaras-Negros Bridge ang priority project sang National government.
