Nadismiss na ang Inspector sang Office of the Building Official sang Bacolod City nga natumod nga nagapangilkil sa kliyente; samtang gindagdagan naman sang 9 months suspension without pay ang kaupod sini nga personnel sang City Engineer’s Office nga assigned sa OBO.
Suno kay Secretary to the Mayor Atty Marty Go, nareport sa City Legal Office ang kurapsyon sang duha ka regular employees sang Enero 11, 2024.
Ini matapos nga sa pagpatigayon sang site inspection, nagpangayo ang mga ini sang P5,000 sa negosyante kabaylo sa pagpadasig sang paghatag sang clearance para sa pagkuha sang building permit.
Sang Disyembre, ginrekomendar ang dismissal of service sa duha kag sini nga Enero 15 bangod sa grave misconduct, sila ang nagfile sang motion for reconsideration.
Sa final decision sang City Legal Office, gindismiss sa serbisyo ang OBO Inspector samtang imbes nga dismissal from service, gindowngrade sa 9 months suspension without pay ang penalidad sa personnel sang City Engineer’s Office nga assigned sa OBO.
Ini bangod sa video evidence, ang OBO Inspector lamang ang maathag nga makita kag maathag man nga may money involved.
Bangod ini ang final decision na gikan sa City Legal Office, ang mahimo na lamang sang duha amo ang magfile na mismo sang motion for reconsideration sa Civil Service Commission.
Ginpasalig naman ni Go nga wala nalakip sa election banning sa dismissal ukon reassignment of personnel ang empleyado sang ciudad.
Ini bangod ang polisa ang aplikable lamang sa mga elected City, Municipal ukon Barangay officials.
