Ginatun-an na sang Department of Education ang paggamit sang solar power sa mga buluthuan bilang isa sa ginakuhaan sang energy ilabi na nga padayon ang pag-init sang tiyempo.
Gin-ako sang DepEd nga ang nagasaka nga temperatura ang nagatuga sang dako nga pagpanghangkat sa pagtuon sang Filipino nga mga kabataan.
Suno kay Education Secretary Sonny Angara, ila ginatun-an ang posibilidad sang hybrid learning sa tunga sang ginalauman nga pagsaka sang temperatura sa masunod nga mga binulan.
Suno sa education chief, patigayunon ang hybrid learning kag posible nga daw mangin kaangay ini nga eksperyensya sa online learning sa kasagsagan sang pandemic.
Subong nga bulan, ginpahayag sang DepEd nga in place na ang systems agud ma-minimize ang impeacts sang mainit nga tiyempo sa mga estudyante, lakip na diri ang pag-adjust sang class schedules para sa lunsay morning kag afternoon shifts kasubong man ang pagpasiguro nga may yara sang nagakaigo nga ventilation, fans kag hydration stations ang mga classrooms.
