Gin-athag sang Human Rights Lawyer nga apisar sa trial sa International Criminal Court, si former President Rodrigo Duterte ang qualified gihapon sa pagpapili bilang alkalde sa Davao City subong nga 2025 midterm elections.
Sa interview sang Bombo Radyo Bacolod kay Atty Cesar Beloria, santo sa Omnibus Election Code, ang disqualified lamang sa pagpapili amo ang mga convicted with finality.
Paathag sini nga bisan convicted na sa Regional Trial Court, kun ini ang mahimo pa nga maka-appeal sa Court of Appeals ukon Korte Suprema, sarang gihapon ini nga makapapili.
Suno diri, ang epekto lamang sang pag-aresto sang ICC kay Duterte amo nga indi ini makapangampanya, apang sarang ini nga ikampanya sang iya mga kaalyado.
Bangod man sa pag-aresto, mas nagdako ang tyansa nga ini ang magadaog sa eleksyon.
Apang hinali nga magdaog, ginalantaw ni Beloria nga magabutang lamang sang officer in charge bilang alkalde.
Isa lamang sa problema amo nga indi ini makatake-oath physically sa Commission on Election (Comelec) ukon Department of Interior and Local Government (DILG).
Apang yara man ang posibilidad nga ini ang pahanugutan sa pagtake-oath virtually.
Aminado si Beloria nga ini ang wala pa sang nakaplastar nga proseso bangod karun lang naatubang ang kaangay nga problema.
Suno diri, ang palamangkutanon diri amo ang kadugayon sang pahanugutan nga “temporary incapacity.”
Pahayag ni Beloria nga kun maglawig na kag indi gihapon makapungko si Duterte, ang pwesto ang ideklarar nga vacant position.
Diri na magasaka ang Bise Alkalde bulos sa iya nga pwesto.
Ini ang mahimo nga matabo ilabi na nga ginalantaw nga magadugay sang malawig nga tinuig ang proceedings.
Indi kaangay sa legislative office nga sarang gihapon makadihon sang layi bisan yara sa prisuhon, ang executive position ang nagakinahanglan gid sang akwal nga pagdumala.
Ginalantaw ni Beloria nga bangod wala sang timeline kun san-o ideklarar nga vacant ang Mayoral position kun indi makapungko ang madaog, mahimo nga may-ara sang magafile nga petisyon sa korte suprema angot diri.
