Ginpanawagan sang political analyst nga indi na pagdabukan ang nagadaba-daba nga away sa tunga sang Duterte kag Marcoses.
Sa interview sang Bombo Radyo Bacolod kay political analyst Atty Jomax Ortiz, dapat nga untatan na sang duha ka kampo ang paglinagsanay, bangod ini ang wala na sang katapusan.
Samtang dapat naman nga pabay-an ang mga supporters ni former President Rodrigo Duterte kun luyag nga magprotesta bangod ini ang kabahin sang ila kinamatarong.
Pahanumdom sini sa Administrasyon nga indi maayo kun pilit sang mga ini nga lagson ang mga Duterte kaangay sa alegasyon nga may igadagdag nga search warrant sa puluy-an sang mga Duterte.
Suno kay Ortiz, kun magpadayun, ini ang makabig na nga overkill.
Panawagan sini nga mangin patas, kag hatagan man sang tyansa ang anay Presidente nga makadepensa, kaangay sa paghatag sang Internationl Criminal Court sang due process.
Apang, indi man ini kompormi sa mga ginbuy-an nga pahayag ni former Presidential Spokesperson Atty Harry Roque, nga naga-antagonize sa ICC.
Suno kay Ortiz, arogante ang mga tinaga nga ginbuy-an ni Roque kag ini ang mahimo makatuga pa sang negatibo nga panulok sang ICC members kay Duterte.
Ini kasunod sa pagbasol sini sa ICC sa illegal arrest apisar nga ang tuyo lamang amo ang makapatigayon sang preliminary presentation.
