Gin-anunsyar sang Commission on Elections (Comelec) nga natapos na ang pag-imprinta sang masobra 68 million ka mga balota para sa 2025 national kag local elections.
Suno sa Comelec nga sa tion nga makumpleto na ang verification process para sa 68,542,564 ka official ballots, ini ang markahan, i-seal kag ipreparar para sa distribution.
Gin-umpisahan sang Comelec ang pag dispose sang 6 million rejected ballots sa ila nga warehouse sa Santa Rosa, Laguna.
Ginsakay ang mga pallets sang rejected ballots kag paper trimmings sa trucks, kag ginabyahe sa Fifth Discipline Packaging Paper Corporation, sa TECO Industrial Complex sa Barangay Bundagul, Mabalacat City, Pampanga.
Una na nga ginpahayag sang Comelec, nga ang tanan nga balota nga madispose, accepted man ukon rejected, kaupod ang ballot trimmings ang iproseso paagi sa direct melting paagi sa dissolving solution para sa recycling.
Ang shredding kag micr-shredding ang ginadilian sa idalum sang National Archives of the Philippines’ regulations.
Ang pagdispose sang balota ang ginasaksihan sang resident auditor halin sa Comelec kag election watchdog sa tuyo nga masunod ang husto nga proseso.
