Nagahimo sang tikang ang Department of Agriculture agud mapanubo ang maximum suggested retail price (MSRP) sang imported nga bugas sang P4 kada kilo sa katapusan sang bulan, inkaso nga magpadayon sa pagnubo ang global prices.
Suno kay Agriculture Secretary Francisco Tiu Laurel Jr., ila ginalantaw nga mapanubo ang MSRP para sa imported nga bugas sa P45 kada kilo humalin sa P49 kada kilo matapos matapos nagsugod ang MSRP sa P58 kada kilo sang Pebrero.
Suno diri, kun magpadayon ang sa karun nga trend sa world prices kag magapabilin nga makusog ang peso, posible nga mapanubo ang MSRP para sa imported nga bugas sa kapin P45 kada kilo sa Marso 31.
Ang mga retailers nga naglapaw sa MSRP ang igarequire nga i-justify ang ila mga presyo sa otoridad matapos una nga ginpahayag ni Laurel nga ang imported nga bugas nga 25 percent broken ang indi dapat maglapaw sa P50 kada kilo.
