Ginawelcome sang pinuno sang Committee on Laws and Ordinances sa Sangguniang Panlungsod ang pagpasaka sa ila sang complaint bangud sa ginbakal nga duta sang ciudad sa Barangay Granada.
Suno kay Bacolod City Councilor Al Victor Espino, kun sin o nagpasaka lain na nga estorya apang ginpakamaayo man nga ginpaagi sa proseso ang pagpasaka sang kaso agud nga mahibaluan kun sin-o ang nagasugid sang insakto.
Suno kay Espino, ang una nga alegasyon sang mga nagreklamo ang overprice.
Suno diri santo Bureau of Internal Revenue ang bili sang nasambit nga duta ang P1500 per square meter kag ini ang nabakal lamang sa P1300 per sqm gani nakakinot pa ang ciudad sang P400 per sqm.
Natingala man ini ngaa kun overprice wala ginkasuhan ang appraisal committee kasubong man ang land banking committee sang ciudad.
Suno sa konsehal makita gid sa pattern nga politically motivated ang pagpasaka sang kaso batok sa ila.
