Nagpanawagan sang bulig sa gobyerno ang mga mangunguma kag mga trabahante sa talamnan sang kamatis kag bombay bangud pierde sila sa pag-ani bangud sa sobra nga supply kag sa importasyon.
Ang iban nga kamatis, ginahaboy na lang.
Ginakahangaw-an sang mga manugtanom ang puturo sang ila mga kabataan kag pamilya kun magapadayon ang sa karun nga sitwasyon bangud nagadangat lamang sa P300 ang pinakadako nga sweldo nga ila nagakabaton nagikan sa sadto P1,000 kada adlaw bangud sa pagkapierde kag pagnubo sang presyo sang bombay.
Sadto, nagadangat sa P80 tubtob P110 ang kilo sang bombay apang bangud sa pag-import, yara na lamang sa P30 tubtob P33 ang baligyaanay sang bombay kada kilo.
Samtang, madamo naman ang nagakauyang nga kamatis kag ginahaboy na lamang sang mga mangunguma bangud sa oversupply.
