Natalana nga ilakip ang Boxing sa 2028 Los Angeles Olympics suno sa International Olympic Committee.
Suno kay IOC president Thomas Bach, gin-aprubahan na sang executive board ang paglakip sang boxing sa 2028 program kasunod sa pagrecognize sa Wolrd Boxing nga makit-an man sa Olympics.
Apang ang desisyon ang dapat pa sturyahan sa IOC Session sa atubang sang 100 ka miyembro, apang ini ang ginalauman nga isa na lang ka formality.
Mahibaluan nga gin-organisar sang IOC ang boxing tournaments sa Tokyo Olympics sang 2021 kag Paris Olympics sang tinalikdan nga tuig kasunod sa paghalin sang Russian International Boxing Association bangod sa financial, governance kag ethical concerns.
Suno kay Bach dapat mangita ang boxing national federations sang bag-o kag mas reliable nga international partner kun luyag sini malakip sa 2028 Games.
Madumduman nga duha ka Filipina boxers ang nagpauli sang bronze medals halin sa Paris Olympics, nga amo sanday Nesthy Petecio kag Aira Villegas.
