Nangin positibo kag negatibo ang resulta sang pagpangita ni Rabiya Mateo sa iya Indian-American biological father nga si Syed Mohammed Hashmi.
Ang aktres kag Miss Universe Philippines 2020 titleholder ang ginbayaan sang iya amay sang lapsag pa lang ini.
Sang Enero, nakuha ni Rabiya ang address sang iya amay nga isa ka doktor na sa Amerika kag sila ang naka-esturyahanay sa telepono, apang siya ang gin-reject sang amay.
Husto ang paghilibion ni Rabiya sang mabatian ang hambal sang iya amay nga “Don’t message me and my family. I don’t care about you. I want nothing to do with you” kag siya ginsugiran ni Rabiya nga siya ang isa na ka beauty queen kag aktres sa Pilipinas.
Aminado naman si Rabiya nga wala ini sang intensyon nga mangayo sang suporta halin sa amay apang luyag niya lang ini nga makita.
Sa karun, wala sang ideya ang pamilya sang amay sini nga may nabilin ini nga pamilya sa Pilipinas.
Sa pihak sini, nagpasalamat na lang ang aktres nga natapos na ang pagpangita niya sa iya amay kag nabaton na sini nga wala sang labot ang iya amay sa iya.
Nagpasalig naman si Rabiya nga magtrabaho pa gid kag ihatag ang tanan sini nga atensyon kag paghigugma sa iya iloy kag utod.
