Magapatigayon ang transport group nga MANIBELA sang tatlo ka adlaw nga transport strike humalin Marso 24 tubtob 26, 2025.
Suno kay Mar Valbuena, sa Lunes, sila ang magapatigayon sang tatlo ka adlaw nga transport strike nationwide.
Dugang pa sini nga sila ang magastage sang protest action depende sa kun ano ang masunod nga matabo.
Suno sa iya, posible pa nga magbag-o kag pwede ini matabo bwas gilayon bangud sa pagbinutig sang Land Transportation Franchising and Regulatory Board (LTFRB) sa mga pumuluyo.
Suno sa iya, nagbinutig ang LTFRB sang ginpahayag sini nga 86 porsyento sang public utility vehicle operators kag drivers ang nagconsolidate para sa PUV modernization program.
Suno sa DOTr, ang apektado nga mga ahensya sang gobyerno ang nagapreparar sang contingencies agud masiguro nga indi maapektuhan sang strike ang mga commuters.
