Indi maapektuhan ang mga nagabaligya sa Bacolod City Public Plaza para sa redevelopment sang fountains kag mga suga sa sulod sang plaza.
Sa interview sang Bombo Radyo Bacolod kay Engineer Loben Seballos, head sang Bacoloc City Engineers Office, sang tinalikdan nga Marso 7, nagpatigayon sang inspection kag nadesisyunan nga ang boarding ang patigayunon sa bahin kun sa diin lamang may kalay-uhon agud nga indi man maapektuhan ang mga vendors kag iban nga hilikuton sa plaza.
Suno kay Seballos sa Bacolod City Public Plaza ang magakutkot sang duta agud butangan sang below ground fountain samtang ang sa Bacolod City Governmet Center naman ang pagakay-uhon ang sa bahin sang fountain.
Ang nasambit nga proyekto ang ginpondohan sang Tourism Infrastructure and Enterprise Zone Authority (TIEZA) nga nagdangat sa P300 million.
Suno diri, tinguhaan sang contractor nga matapos ang redevelopment antes ang selebrasyon sang Masskara Festival 2025.
