Armand ‘Mondo’ Duplantis sang Sweden, nagapabilin nga World’s no.1 sa patag sang pole vault

Nagapangibabaw sagihapon si Armand ‘Mondo’ Duplantis sang Sweden sa patag sang pole vault.

Ini matapos nga nakuha sang world’s no.1 pole vaulter ang iya ikatatlo nga world indoor pole vault title matapos nga ginlutos niya si Emmanouil Karalis sang Greece.

Natigayon nga ma-clear ni Duplantis ang 6.15 meters samtang 6.05 meters naman ang nalampuwasan sang world’s no. 3 pole vaulter nga si Karalis.

Na-clear naman ni Sam Kendricks sang Amerika ang 5.90 meters kag nagtupa sa ika-tatlo nga pwesto.

Ang men’s pole vault final sang Indoor World Athletics Championships ang ginhiwat sa Nanjing, China.