Preparado na ang Negros Occidental Police Provincial Office para sa ceremonial activity sa pag-activate sang Police Regional Office- Negros Island Region, bwas Marso 7, alas- 2:00 sang hapon.
Ginalauman ang presensya bwas ni Philippine National Police (PNP) chief Gen. Rommel Francisco Marbil, Department of the Interior and Local Government (DILG) Secretary Jonvic Remulla, Police Regional Office 6 director Police Brig. Gen. Jack Wanky kag Bacolod City Police Office Director Police Col. Joeresty Coronica.
Sa interview sang Bombo Radyo Bacolod kay NOCPPO Director Police Col. Rainerio de Chavez, wala pa sang headquarters para sa PRO-NIR kag ini ang temporaryo nga ma-operate sa NOCPPO
Mahibaluan bwas kun sin-o ang magapungko bilang direktor sang Police Regional Office- Negros Island Region.
Samtang, ginalauman naman ang pag-abot sang local chief executives sa tagsa ka local government units gikan sa probinsya sang Negros Occidental, Negros Oriental kag Siquijor para magtambong sa activation ceremony.
Suno kay BCPO Director Police Col. Joeresty Coronica, ang seremonya patigayunon sa Acacia convention hall sa Bacolod City.
Suno diri, preparado na ang BCPO sa aktibidad nga hiwaton bwas.
