Ginpahayag sang iloy sang isa ka Grade 5 pupil sa Bubog Elementary School sa ciudad sang Talisay nga nagchat sa iya ang maestra sang iya anak nga gindala sa Talisay City Health Office ang bata sini bangud ginsakitan sang tiyan.
Sa interview sang Bombo Radyo Bacolod sa iloy, nagsakit ang tiyan sang iya anak matapos nga magkaon sang chocolate nga ginabaligya sang ila nga classmate.
Suno diri, maayo naman ang kahimtangan sang iya anak matapos nga nakainum ang mga ini sang bulong matapos nga madala sa health office sang ciudad.
Ginpahayag sang iloy nga sa nabatian sini ang classmate sang iya bata ang nagbaligya sang chocolate.
Suno diri, ginapahayag nga ang chocolate ang ginhatag lamang sa bata kag wala man sang nagsugo diri nga ibaligya.
Madumduman nga nagdangat sa 20 ka mga pupils sang Bubog Elementray School sa Talisay City ang nabiktima sang food poisoning.
Nahibaluan nga ang tiyo sang isa ka estudyante ang nagatrabaho sa Brgy Handumanan, Bacolod City sa pagpakaon sa mga ulod gamit ang mga expired nga pagkaon.
Nagadala ang tiyo sang expired nga pagkaon papauli nga kun kaisa ila man ginakaon apang wala man sang epekto sa ila nga may edad na.
Naghambal man ang tiyo nga ginatago sini ang mga pagkaon agud ini malab-ot sang mga kabataan apang wala nila natulupangdan nga ginkuha sang bata ang pagkaon kag ini ang iya ginbaligya sa eskwelahan.
Gindala ang mga ini sa Talisay City Health Office kag ginhatagan sang bulong kag sa karun maayo na ang kahimtangan sang mga ini.
