Pila ka mga transport groups ang nagpanawagan kay Transportation Secretary Vince Dizon nga mag-appoint sang bag-o nga mga opisyales nga magapamuno sang Public Transport Modernization Program (PTMP).
Sa isa ka sulat kay Dizon nga napetsahan Marso 26, ginpahayag nanday Pasang Masda national president Roberto “Ka Obet” Martin, ALTODAP national president Melencio “Boy” Vargas, kag ACTO national president Liberty de Luna nga ang appointment sang bag-o nga transportation officials ang nagaisahanon nga pamaagi agud ma-expedite ang modernization program.
Nagalaom ang mga transport leaders nga makigkita kay Dizon kag iban pa nga government transport officials agud diskusyunan ang PTMP apang sa karun, sila ang naghimo sang pila ka mga proposals agud masiguro ang kadalag-an sang PTMP.
