Pagtukod sang mga pasilidad kag imbentaryo sa mga equipments kag personnel ang tutukan ni Police Brig Gen Jack Wanky sa pagpungko bilang officer in charge sang Police Regional Office – Negros Island Region (PRO-NIR).
Nahibaluan nga si Wanky man ang Regional Director sang Police Regional Office 6.
Apisar nga duha ka rehiyon ang iya uyatan, indi man tuman ang adjustment sini bangod ang Negros Occidental kag Bacolod City ang sakop naman sini sa idalom sang PRO 6, gani ang Negros Oriental kag Siquijor lamang ang madugang sa iya responsibilidad.
Gintinguhaan naman nga ma-activate ang PRO-NIR agud maplastar na ang budget sang ahensya sa 2026.
Sa karun, ang mangin focus sa PRO-NIR amo ang inventory sa mga kulang nga pasilidad, equipments kaangat sang mobile patrol kag motorcycle patrol kasubong man ang inventory sa kadamuon sang personnel agud malakip sa irequest nga budget.
Pasalig ni Wanky nga may hiring sang Philippine National Police personnel sa Mayo, apang wala pa nahibaluan kun pila ang allocation sa Negros Island Region.
Bilang officer in charge Regional Director, siya ang temporaryo nga magatinir sa PRO-NIR office sa sulod sang Negros Occidental Police Provincial Office (NOCPPO) headquarters.
Kag siya ang magalibot-libot na lamang sa mga sakop nga probinsya kag ciudad.
