Arestado ang 22 anyos nga under probation sa kaso nga r*pe sa drug buybust operation nga ginpatigayon sa Purok Kaburihan, Barangay Estefania, Bacolod City alas-4:01 kahapon sang hapon.
Ang suspect ang ginkilala nga si Mark Magallanes, wala sang trabaho kag residente sang nasambitan nga lugar.
Si Magallanes ang yara man sa listahan sang Barangay Anti-Drug Abuse Council (BADAC).
Narecover sa iya paghinakop ang anom ka sachet sang suspected shabu kalakip ang buybust item nga ginabanta nagabug-at sang 15 ka gramos kag may street value nga P102,000.
Sa interview sang Bombo Radyo Bacolod kay Police Major Elmer Bonilla, station commander sang Bacolod Police Station 4, tuman ang hilibion sang lola sang subject bangod suno diri bag-o lamang nakagwa sa prisuhan si Magallanes, apang magabalik naman sa lain nga kaso.
Ini ang may kaso nga r*pe sang siya ang minor de edad pa lamang sa nasambitan man nga lugar.
Sa karun nakahunong na si Magallanes sa Bacolod Police Station 4 kag nafile naman nila ang kaso nga paglapas sa section 5 kag 11 sang Republic Act 9165 ukon Comprehensive Dangerous Drugs Act of 2002.
Tinguhaan man sang mga ini nga matumod ang source sang illegal nga droga sa patigayunon nga tactical interrogation.
