Nagpanawagan ang Office of Civil Defense Negros Island Region nga magkigbahin sa Nationwide Simultaneous Earthquake Drill (NSED) agud mangin preparado kasunod sa nagluntad nga mabaskog nga linog sa Myanmar kag Thailand.
Sa interview sang Bombo Radyo Bacolod kay Office of Civil Defense Negros Island Region Director Donato Sermeno III, sang Marso, may ginpatigayon nga simultaneous earthquake drill sa Negros Occidental Police Provincial Office kag ini ang liwat nga patigayunon sa Hunyo.
Suno diri, magaserbe nga mangin leksyon ang natabo sa Myanmar kag Thailand sa mga pumuluyo nga magpartisipar sa mga aktibidad nga makabulig sa pagpreparar sa mga kaangay nga hitabo.
Pahayag ni Sermeno, wala sang may narekord nga may natabo nga mabaskog nga linog sa probinsya apang ginabantayan ang West Negros Fault nga isa sa earthquake generators sa Negros Occidental.
Nagpanawagan man si Sermeno nga magsunod sa requirements sa pagpatindog sang structures nga makabato kun may yara sang linog.
