Ginpahayag sang driver sang salakyan nga nakabunggo sa tatlo ka mga babayi samtang naga-jogging sa Manville Royale Subdivision, Brgy Pahanocoy, Bacolod City, kahapon sang sang aga nga wala ini nakatalupanggod bangud masilaw ang adlaw.
Sa interview sang Bombo Radyo Bacolod kay Fernando Oquiana, driver sang salakyan, masami ini nagadrive agud magpangape sa bahin sang Manville apang kahapon sang aga wala sini matalupangdan ang tatlo ka mga babayi nga nagselfie sa tunga sang dalan gani nabungguan niya ini kag sa malain nga palad napatay ang isa sa mga ini.
Ginahulat man sa karun ang desisyon sang pamilya kun mapasaka ang mga ini sang kaso.
Madumduman nga ang tatlo ka babayi nga nagajogging sa area apang nag-untat ang mga ini para magpapicture samtang nagatindog sa dalan.
May isa ka salakyan nga naggikan sa Araneta St, nga nagleft turn para magsulod sa subdivision, apang wala sini nakita ang tatlo ka babayi nga nagapicture sa dalan.
Nagsuhot sa idalum sang salakyan ang tatlo apang wala man sila nalapakan.
Nagpahayag naman ang driver nga wala sini nakita ang mga babayi bangod nga masilaw ang silak sang adlaw.
Pilason ang tatlo ka mga biktima samtang si Alyas Karen nga nag-agom sang injury sa ulo ang ginbawian sang kabuhi kahapon sang udto.
