Ginalantaw sang political analyst sa ciudad sang Bacolod nga para makakuha sang madamo nga boto sa 2025 Midterm Elections ang motibo ni Senator Imee Marcos sa pagkwestyon sang legality sang pag-aresto kay Former President Rodrigo Roa Duterte.
Sa interview sang Bombo Radyo Bacolod kay Atty. Jomax Ortiz, nakita ni Senator Imee Marcos nga wala na ini nadala sa 12 ka mga kandidato sa pagkasenador sa listahan sang survey.
Suno kay Ortiz, bangud sini nagahimo ini sang tikang agud nga makakuha sang atensyon nagikan sa mga pumuluyo apang suno diri santo sa iya nga paglantaw, indi na magdaog bilang senador subong nga piniliay si Senator Imee Marcos.
Samtang, indi man sini macite in contempt ang mga cabinet members nga wala nagtambong sa iya nga hearing kag ginpahayag man ni Ortiz nga may punto man ang pahayag ni Executive Secretary Lucas Bersamin nga mahimo nga masub judice ang mga ini.
Suno sa abugado ang International Criminal Court na ang makahibalo kun legal bala ukon illegal ang pag-aresto sa anay presidente.
Sa pihak nga bahin ginalantaw man nga madayon ang impeachment ni Vice President Sara Duterte apang nakadepende man ini sagihapon sa mangin resulta sa 2025 Midterm Elections.
