Ginpahayag sang medical doctor nga sa paglantaw sini indi man makakuha sang balatian gikan sa baho sang iti sang manok magluwas nalang kun ini ang may direct contact.
Sa interview sang Bombo Radyo Bacolod kay Dr. Vicente “Itik” Ituriaga, ang Salmonellosis ang mahimo makatuga sang typhoid fever bangud sa bacteria, avian flu ukon bird flu nga tuga sang virus.
Suno kay Ituriaga delikado ini sa tawo kun indi madetect gilayon.
Suno diri dapat may early interventions agud nga madapatan na sang pagbulong samtang temprano pa.
Nagpanugyan ini sa publiko nga ugalion nga maghugas sang kamot kag magsuksok sang masks kag goggles ilabi nagid kun may yara sang close contact sa mga manok.
Dugang pa sini nga dapat mismo ang Taala Farm ang mangin responsable sa paghaboy sang higko sang ila nga farm agud indi man mapwerwisyo ang iban.
