Malakip na sa listahan sang Basketball Hall of Fame ang ten-time NBA All-Star nga si Carmelo Anthony, eight-time NBA All-Star nga si Dwight Howard, kag ang women’s basketball icon nga si Sue Bird.
Ang seremonya ang patigayunon sa Naismith Memorial Basketball Hall of Fame sa September 5 tubtob September 6.
Nag-retire si Anthony sa paghampang sang basketball sang 2023 duha ka dekada matapos gin-draft ini sang Denver Nuggets kag naghimo sang iya pangalan bilang isa sa pinakamaayo nga scorer sa kasaysayan sang liga.
May average siya nga 22.5 points per game sa kasagsagan sang iya karera kag ginakilala man nga 10th all-time sa NBA scoring nga may 28,289 points.
Si Howard naman amo ang number 1 draft pick sang 2004 kag nagbulig sa Los Angeles Lakers nga makuha ang kampyonato sang 2020.
Kilala siya sa bansag nga “Superman” bangud sa iya all-round offensive kag defensive game.
Lima ka beses naman nga nagdaog sang Olympic gold si Bird kag isa sa ginakabig nga greatest players sa kasaysayan sang women’s basketball matapos naghampang sang 21 seasons kaupod sa Seattle Storm antes ini nagretiro sa 2022.
