Ginpahayag sang isa ka residente sa Barangay San Miguel, La Carlota City, Negros Occidental nga bangud sa mga abo nagikan sa Bulkan Kanlaon nagbuligay sila sa pagpaninlo.
Sa interview sang Bombo Radyo Bacolod kay Jay Ambing, ang una nila ginhimo kahapon amo ang pagsilhig sang abo sa ila mga atop agud nga indi mabuslot.
Suno kay Ambing, indi lang atop sang ila nga balay ang ginlimpyuhan bangud pati na ang atop man sang ila kasilingan.
Suno diri, ginlabhan man sang mga ini ang mga bayo nga napuno man sang mga abo.
Ginpahayag man sini nga nagabakal pa sila sang tubig mainum bangud ang mga bubon kag tuburan nga ginakuhaan sang ginagawi nga tubig ang natabunan man sang abo nagikan sa Bulkan.
Subong ang problema sang mga tawo ang tubig bangud bisan ipanglaba kag ipanghugas sang pinggan ang wala na sila sang sarang magamit bangud baho sang asupre ang tubig.
Ginpahayag man sini nga ang ila nga mga gintanom ang sarang man nga mapatay bangud sa nagtupa nga abo nagikan sa Bulkan.
Ginpasalamatan man sini ang Barangay kag Local Government Unit sang La Carlota City nga naghatag sa ila sang bulig.
