Ginakabig sang lalaki nga nagtrending online matapos nga magpahid sang asupre nagikan sa Bulkan Kanlaon sa iya nga lawas nga concerned lamang ang mga tawo nga nagcomment sa iya nga video.
Sa interview sang Bombo Radyo Bacolod kay EJ Kingston, nakaandan niya na ini nga himuon bangud sa tagsa maglupok ang Bulkan Kanlaon ginapahid sini ang abo sa iya nga lawas.
Suno kay Kingston, wala man sini ginapadugay sa iya panit ang abo bangud makaligad ang pila ka minutos iya ini nga ginabunlawan.
Suno diri, manami ang pamatyag sini pagkatapos makapamahid kag makapamunlaw.
Dugang pa sini nga wala man siya sang nabatyag sa iya lawas kaangay sang pagpangatol kag iban pa.
Panugyan sini publiko nga indi pagsundon ang ginhimo sini bangud nakadepende ini sa panit sang tawo bangud may yara nga mga panit nga tuman ka sensitive.
