Makaduha nga nagbuga sang abo ang Bulkan Kanlaon sang udto kag subong nga hapon.
Una nga nagbuga ang bulkan alas-11:52 sang udto kun sa diin suno sa Philippine Institute of Volcanology and Seismology (PHIVOCLS), nagdangat sa 800 metros ang kataason sang ash emission.
Ang volcanic plumes ang ginpalid naman sang hangin padulong sa naaminhan-nakatungdan, gani ginpaandam na ang posibilidad sang pag-ulan sang ashfall sa nasambitan nga dereksyon.
Sa interview sang Bombo Radyo Bacolod kay Negros Occidental Provincial Disaster Risk Reduction and Management Office Head Irene Bel Ploteña, na eksperyensyahan ang manipis nga ashfall sa Barangay Ara-al, La Carlota City samtang napanimahuan naman ang asupre sa Barangay Bi-ak na Bato sa banwa sang La Castella.
Ang ashfall ang mahina lamang kun ipaanggid sa pagluntad sang minor explosive eruption sang Abril 8.
Apang nasundan pa ang ash emission alas-2:53 kaina sang hapon.
Ang pagtimbook sang aso nga may kaupod nga abo ang nagdangat sa kataason nga 600 metros nga napalid sa West-Northwest nga dereksyon.
Sa karun nagapabilin sa Alert Level 3 ang status sang Bulkan Kanlaon.
