Nagpahanumdom ang regional director sang Commission on Elections-Negros Island Region nga wala sang kampanya sa Hwebes kag Biyernes Santo.
Suno kay COMELEC – Negros Island Region Director Atty Lionel Marco Castillano, ginaremind sini ang tanan nga mga kandidato kag mga supporters nga may apat kaadlaw nga indi mahimo mangampanya ang mga ini kag ini ang ginalakipan sang Holy Thursday ,Good Friday, antes ang election day kag mismo sa adlaw sang election.
Suno kay Castillano, sa Hwebes kag Biyernes Santo indi kuntani pagkalimtan nga indi dapat magpangampanya bangud dapat ihatag ini ang tion agud nga kita ang makapamalandong man.
Suno diri indi lang ini bangud sa religious kundi may yara man ini sa paglapas sa layi kun sa diin mahimo nga mangatubang ang kandidato sa election offense kag disqualification.
