Patay ang babayi nga Brgy Tanod matapos ginluthang samtang nagatakatulog sa ibabaw sang tricycle sa Brooksville 2, Yolanda Housing Project Brgy. Punta Salong, Manapla, kapin alas- 2:00 kaina sang kaagahon.
VIDEO CREDIT TO Renz P. Castillo
Sa interview sang Bombo Radyo kay Police Major Robelito Mariano, hepe sang Manapla Municipal Police Station, ang biktima ang ginkilala nga si Grace Rabala, 47 anyos, residente sang nasambit nga lugar.
Suno diri, masami nga nagatulog si Rabala sa iya tricycle nga ginapark sa atubang sang iya balay.
VIDEO CREDIT TO Renz P. Castillo
Suno sa mga residente, may yara sang nabatian nga mga linupok kag may narekober nga duha ka empty shell sang 9mm pistol.
Ginalantaw nga motibo sa pagpatay amo nga may yara sang rekord si Rabala nga involved sa pag-ilinaway.
