-- ADVERTISEMENT --
Nagpatigayon sang random drug test ang mga opisyal kag personnel sang Police Regional Office – Negros Island Region.
Ini ang ginpangunahan ni PRO-NIR Director Police Brig. Gen. Arnold Thomas Ibay.
Ang random drug test ang ginpatigayon sa Negros Occidental Police Provincial Office (NOCPPO) Headquarters kun sa diin nahamtang ang temporaryo nga opisina sang PRO-NIR.
Nakigbahin man diri sanday NOCPPO Director Police Col. Rainerio de Chavez kag Bacolod City Police Office (BCPO) Director Police Col. Joeresty Coronica.
Ang random drug testing sang PRO-NIR ang ginpatigayon agud maseguro nga mapabilin ang integridad kag professionalism sang mga kapulisan sa pagserbisyo.
-- ADVERTISEMENT --
