PCG, dyutay lamang ang narecord nga pasahero sa mga barko kahapon, Easter Sunday

Wala sang madamo nga pasahero ang nagbiyahe kahapon, adlaw sang Domingo de Paskwa patabok sa Iloilo ukon vice versa.

Sa interview sang Bombo Radyo Bacolod kay Coast Guard Ensign John Hoffer Olis, Public Information Officer sang Coast Guard Station-Northern Negros Occidental, naggulpi nubo ang numero sang mga pasahero kahapon kun ipaanggid sang Sabado de Gloria.

Suno kay Olis sang Sabado nagdangat sa 8,000 ang pasahero apang kahapon nagdangat lamang sa 2,000.

Samtang nagdeploy man ang Coast Guard sang mga personnel sa mga beaches agud nga magbantay sa mga nagpalaligo ukon nag-outing.

Nagpahanumdom ini sa tanan nga mga nagabiyahe nga ugalion ang pagmonitor sang biyahe agud mahibaluan kun may cancellation sang trips ukon wala.