Naghatag sang tribute ang kilala nga film kag TV director nga si Joel Lamangan sa nagtaliwan nga actress nga si Nora Aunor kun sa diin, ginbuyagyag niya ang plano niya nga mag-produce sang pelikula may kaangtanan sa kabuhi sang nagtaliwan nga aktres.
Sa isa ka Facebook post, gin-share ni Lamangan ang pila ka anecdotes may kaangtanan kay Nora.
Ang duha ang nag-updanay sa pila ka pelikula kaangay sang “The Flor Contemplacion Story”, “Muling Umawit ang Puso”, “Bakit May Kahapon Pa?”, “Sidhi”, “Hustisya” kag “Isa Pang Bahaghari”.
Ginpakigbahin man niya nga naga-istoryahanay sila anay ni Nora antes magsugod sa pag-shoot agud nga ma-intindihan nila kun ano ang luyag nila para sa pelikula.
Ginkumpirmar man niya nga naga-istoryahanay sila ni Ricky Lee nga maghimo sang pelikula may kaangtanan sa kabuhi ni Nora apang ginkasubo niya nga napatay ang aktres antes pa man nakumpleto ang proyekto.
Si Nora ang nagtaliwan sang Myerkules sa edad nga 71.
