Ginbasul sang Russia kag Ukraine ang isa kag isa sang Domingo bangud sa paglapas sa isa ka adlaw nga Easter ceasefire nga gindeklarar ni Russian President Vladimir Putin, kun sa diin ang duha ka bahin ang nagaakusar sa isa kag isa sang pagpatigayon sang ginatos nga mga pagpang-atake.
Si Putin, nga nagpadala sang linibo nga Russian troops sa Ukraine sang Pebrero 2022, ang nagmando sa Russian forces nga untaton ang tanan nga military activity kaupod ang front line sa tatlo ka tuig nga gyera tubtob midnight sang Domingo.
Suno kay Ukrainian President Volodymyr Zelenskiy, nagapakuno-kuno ang Russia nga naga-obserbar sang Easter ceasefire, apang nagpadayon sang ginatos nga artillery attacks sang Sabado sang gab-i, kun sa diin mas madamo nga assaults ang ginlauman sang Domingo.
