BREAKING NEWS. Ginapasaka na subong nga hapon ang reklamo batok sa Indian national nga driver sang Toyota Innova nga nagdalasa sa mga nagaprusisyon sa Brgy. Alangilan, Bacolod City sang Biyernes Santo sang gab-i.
Ang complaint ang ginpasaka sa Bacolod City Prosecutor’s Office.
Ang driver ang ginkilala kay Jagpret Shingh, 37 anyos kag residente sang B133, Lot.89, Buena Park Subd., Brgy. Villamonte, Bacolod City
Sa interview sang Bombo Radyo kay Police Major Mark Joel Reclamado, station commander sang Bacolod Police Station 5, ginpadala sa Bacolod City Police Office ang tanan nga dokumento samtang ginaproseo ang kulang nga mga papeles.
Suno diri, naka-schedule subong nga adlaw ang pagpadulong nila sa prosecutors office.
Samtang, wala naman sang irregularities sa pagkuha ni Jagpret Shingh, 37 anyos sang iya drivers license kag legal man ang pagtinir sini kag sang iya kaupdanan nga apat ka Indian Nationals diri sa pungsod.
Nakita man nga nabutang sa drivers license nga Filipino ang citizenship sini apang Indian ang iya nationality.
Pahayag ni Reclamado, may yara sang nagahambal nga lain ang driver sang salakyan apang suno diri may yara sila sang nakuha nga witness nga isa ka brgy tanod kag isa ka bystander nga nagtudlo kun sin-o ang driver kag amo man ang ila nga gindakop.
